လူပြောများနေတဲ့ D day ဆိုတာ ဘာလဲ

လူပြောများနေတဲ့ D day ဆိုတာ ဘာလဲ
D-Day ဟာ #အာဏာရှင်ဟစ်တလာပြုတ်ကျဖို့အဆုံးအဖြတ်ဖြစ်ခဲ့တဲ့နေ့ အဖြစ်မှတ်တမ်းပြုကြပါတယ်။
ဒီ-ဒေး ဆိုတာ “Deployment Day” #ပြိုင်တူတိုင်ပင်ကိုက်ထတီးတဲ့နေ့ကိုခေါ်တာ။
ဗိုလ်ချုပ်အောင်ဆန်းက မတ်လ ၂၇ ရက်နေ့ကိုဖက်ဆစ်တော်လှန်ရေးနေ့အဖြစ်သတ်မှတ်ခဲ့သလိုမျိုးပေါ့။
ဒီဒေးအကြောင်းပြောရရင် အဓိကက တိုင်ပင်ကိုက်အချိန်နဲ့နေရာကအသက်ပဲ။
ဒီဒေးနဲ့ပတ်သက်လို့ IKE – Count Down to D-Day ဆိုတာလေးကိုကြည့်သင့်တယ်။ ဒီရုပ်ရှင်က ကျနော့်ရဲ့ Life Lessons collection ထဲမှာသိမ်းထားတာကြာပြီ။
အဲ့ဒီ ဒီဒေးနဲ့ပတ်သက်လို့သင်ခန်းစာယူစရာလေးတွေကိုပြန်မျှဝေလိုက်ပါတယ်။
အားလုံးကထတိုက်ဖို့လက်ယားနေကြပေမယ့် #အချိန်မတိုင်မီမလုပ်သင့်ခြင်း။
ပြင်သစ်မြေအောက်တော်လှန်ရေးသမားတွေက မဟာမိတ်တပ်တွေကိုတစ်မိနစ်တောင်မဆိုင်းပဲလာစေချင်လှပြီ။ မလာရင်ကိုယ့်ဘာသာကိုယ်ထချချင်ပြီ။


အချိန်မတိုင်မီထချမိတော့ သူတို့တွေလုံးပါးပါးကုန်ပါတယ်။ မဟာအမှားကြီးပါ။
မဟာမိတ်တပ်တွေကလည်း အင်္ဂလန်မှာစုရုံးပြီး နက်ဖြန်လားသန်ဘက်ခါလား ပြင်သစ်နော်ဒီကမ်းခြေကိုတက်သိမ်းချင်နေလှပြီ။
ဒါပေမယ့် အမေရိကန်စစ်ဗိုလ်ချုပ်ကြီးအိုင်အိုက်ဆင်ဟောင်ဝါက “အချိန်-နေရာ-အဆင်သင့်ဖြစ်မှု” ဤသုံးပါးကိုအသေအချာချိန်ဆပါတယ်။
“အချိန်-နေရာ-အဆင်သင့်ဖြစ်မှု” တစ်ခုခုချွတ်ချော်တာနဲ့ တစ်သက်မှတစ်ကြိမ်ပဲရမယ့်အခွင့်အရေးကြီးဆုံးရှုံးသွားနိုင်ပါတယ်။
🐃 #တစ်နေရာတစ်ကောင်ကထခတ်လို့ကျားမသေပါ။ ကျားကတစ်ကောင်ချင်းသတ်စားသွားပါလိမ့်မယ်။
#အားလုံးပြိုင်တူအဆင်သင့်ပြင်ပြီးဝိုင်းခတ်မှကျားသေမှာကိုသိထားဖို့လိုပါတယ်။
D-Day ဘယ်နေ့လဲနဲ့ ဘယ်နေရာလဲကို #သတင်းလုံးဝအပေါက်ကြားခံလို့မရပါ။
အချိန်နဲ့နေရာကိုသိသွားတာနဲ့ ရန်သူကအဲ့နေရာကိုအသင့်ပြင်ထားမှာဖြစ်ပြီး ကိုယ့်ဘက်ကအကျအဆုံးအလွန်များသွားပါနိုင်ပါတယ်။
ပါးစပ်ယားမှုကြောင့် တန်ဖိုးရှိတဲ့အသက်သွေးတွေအများကြီးပေးဆပ်ဆုံးရှုံးလိုက်ရနိုင်ပါတယ်။
အဲ့ဒီမှာ အမေရိကန်ဗိုလ်ချုပ်ဟင်နရီမေးလားက အရက်မူးပြီးဟော်တယ်စားသောက်ခန်းထဲမှာ နောက် ၄-၅ ရက်နေလို့ရှိရင် ပဲရစ်မှာဝိုင်ကောင်းကောင်းသောက်လို့ရပြီလို့ အာချောင်မိပါတယ်။
ဗိုလ်ချုပ်ဟင်နရီဟာ ဗိုလ်ချုပ်ကြီးအိုင်စင်ဟောင်ဝါရဲ့ West Point တုန်းကစစ်တက္ကသိုလ်အခန်းဖော်ဖြစ်ခဲ့သူပါ။


ဒါပေမယ့် အရေးကြီးတဲ့ကိစ္စမှာအာချောင်မှုနဲ့ နောက်တန်းကို ဒုဗိုလ်မှူးကြီးအထိရာထူး ၃ ဆင့်ချပြီးပြန်ပို့ခံရပါတယ်။
အာမချောင်မိရင် အခုလိုအရှက်တကွဲအကျိုးနည်းမဖြစ်ပဲ အနည်းဆုံး ကြယ် ၄ ပွင့်ဗိုလ်ချုပ်ကြီးဘဝနဲ့ ဆွေစဉ်မျိုးဆက်ဂုဏ်ရှိစွာအနားယူခွင့်ရမှာပါ။
သတင်းပေါက်ကြားခြင်း- အာချောင်ဂုဏ်ဆာခြင်းတို့ဟာ ဘယ်လိုမှခွင့်လွှတ်လို့မရတဲ့ကိစ္စပါ။
တော်လှန်ရေးအောင်မြင်ဖို့အတွက် #သွေးကွဲမယ့်စကားကိုမပြောမိဖို့လိုတယ်။ တခါတလေမကြိုက်ပေမယ့်အောင့်ကာနမ်းတတ်ဖို့လိုပါတယ်။
ဗိုလ်ချုပ်ကြီးဂျော့ပက်တွန်းဆိုတာ ကျနော်အင်မတန်သဘောကျတဲ့သူပါ။ သူကရဲစွမ်းသတ္တိရှိပြီးစစ်တိုက်တာတော်တဲ့သူပါ။
ပြဿနာက #ရုရှားကိုမကြိုက်တဲ့ကိစ္စကိုလူသိရှင်ကြားထုတ်ပြောခြင်းပါပဲ။
သူ့တပည့်ဖြစ်ဖူးတဲ့အိုင်ဆင်ဟောင်ဝါက ဆရာဖြစ်ဖူးသူဂျော့ပလက်တွန်းကို ပြင်းပြင်းထန်ထန်ခေါ်ကြိမ်းကာ နောက်ဆုံးဝမ်နင်အဖြစ်သတိပေးခဲ့ရပါတယ်။
တော်လှန်ရေးဟာရပ်ကွက်ထဲမှာရန်ဖြစ်တဲ့အဆင့်မဟုတ်ပါ။ ဆဲရေးရုံ၊ haha လုပ်နေရုံနဲ့တော်လှန်ရေးမအောင်မြင်ပါ။
နိုင်ငံနဲ့ချီပြီးအလုပ်လုပ်ရတဲ့ကိစ္စမှာ မြွေလိမ္မာလိုကျင့်တတ်ရပါတယ်။ “ရုရှားကိုမုန်းတယ်၊ တရုတ်ကိုမုန်းတယ်” လို့ #မအောင်မြင်ခင်မှာအော်နေလို့မရပါ။
စစ်ပွဲတစ်ခုအောင်မြင်ရေးအတွက် သံတမန်ရေး၊ စစ်ရေးဘက်စုံသုံးပြီး #ကိုယ်ဖက်ကနိုင်ဖို့ပဲအာရုံတစ်ခုတည်းစိုက်ပြီးလုပ်ရပါတယ်။
အကြီးဆုံးအဓိကရန်သူကိုတိုက်နေချိန်မှာ ရန်သူထပ်တိုးအောင်၊ ရန်သူအချင်းချင်းပေါင်းမိသွားအောင်မလုပ်ရပါ။
အဆုံးအဖြတ်မြို့သိမ်းတိုက်ပွဲကြီးကျင်းပကာနီးမှာ #ငါဗိုလ်လုပ်ချင်သူတွေပေါ်လာတတ်ပါတယ်။
မတူတဲ့လူတွေအားလုံးစုပေါင်းလုပ်ရတဲ့အခါမှာ ဘယ်သူဗိုလ်လုပ်မလဲဆိုတာနဲ့ သွေးကွဲတတ်တာကိုသတိထားပါ။
အိုင်စင်ဟောင်ဝါက ဝင်စတန်ချာချီကို အလုံးစုံအာဏာရှိတဲ့ Supreme Commander အဖြစ်တောင်းပါတယ်။ကြည်းရေလေတပ်တွေအားလုံးကိုသူဩဇာသြောင်းမှ D-Day မှာ သူအမိန့်ပေးထိန်းချုပ်နိုင်မှာပါ။


အင်္ဂလိပ်ဗိုလ်ချုပ်ကြီးမောင်ဂိုမရီက အင်္ဂလန်ကအခြေပြုတပ်စုပြီးထွက်မှာမို့ သူ့ကိုယ်သူ Supreme Commander အဖြစ်မှန်းထားသူ။
ပြင်သစ်က ချားလ်ဒီဂေါကလည်း သူ့မြေပေါ်တက်သိမ်းမှာမို့ သူ Supreme Commander လုပ်ချင်နေတာ။
ဒီအခြေအနေမှာ အင်္ဂလန်ဝန်ကြီးချုပ်ချာချီက အမေရိကန်သမ္မတနဲ့တိုင်ပင်ပြီး အိုင်စင်ဟောင်ဝါကို Supreme Commander ရာထူးပေးပါတယ်။
ကမ္ဘာ့သမိုင်းမှာအများဆုံးသောတပ်တွေကို တစ်သွေးတစ်သံတစ်မိန့်နဲ့ ထိန်းချုပ်ခွင့်ရတဲ့ Supreme Commander ရာထူးပါ။
ပြန်ပြောပါမယ်။ “#ညီညွတ်ရေးကအသက်” ဆိုတာကို အားလုံးသိဖို့လိုပါတယ်။ ငါမင်းသားမလုပ်ရလို့ပတ်မကြီးထိုးဖောက်မယ်လို့လုပ်တာနဲ့ အားလုံးခွေးဖြစ်သွားမယ်ဆိုတာကို သိထားကြပါ။
#တိုက်ပွဲအောင်မြင်ရေးကအဓိကဆိုတာကိုအမြဲသိထားဖို့လိုပါတယ်။
စစ်ရေးကမ်ပိန်းကြီးတစ်ခုမှာ အားလုံးကိုစုစည်းနိုင်မယ့် #ဗိုလ်ချုပ်အောင်ဆန်းလိုထက်မြက်တဲ့ခေါင်းဆောင်တစ်ယောက်လိုပါတယ်။
စစ်ရေးအောင်မြင်ဖို့က #လက်ထဲသေနတ်ရှိနေတိုင်းမအောင်မြင်ပါ။
#ထောက်ပို့ကအသက်ပါ။ ငါ့လက်ထဲမှာ M16 ရှိတယ်ထချမယ်လုပ်လို့မရပါ။ #ကျည်ဆံကုန်သွားရင်သေနတ်ဟာဒုတ်ထက်ပိုအသုံးမကျပါ။
တပ်ကူပေးဖို့အခွင့်မသာရင် တိုက်ပွဲကျရှုံးလေ့ရှိပါတယ်။ တပ်ကူအားလုံးပြင်ဆင်ချိတ်ဆက်ပြီးမှတိုက်ရပါတယ်။

စစ်ရေးအောင်မြင်ဖို့အားလုံးကိုချိန်ဆရပါတယ်။
ကမ်းတက်မယ့်ရာသီဥတုကို အိုင်စင်ဟောင်ဝါသေသေချာချာရွေးချယ်ပါတယ်။ မိုးလေဝသဗိုလ်ကြီးဆီကသတင်းကို ညသန်းခေါင်လည်းအိပ်ရာကနေထနားထောင်ပါတယ်။


ရာသီဥတုက မိုးအရမ်းမရွာဖို့လိုသလို တိမ်ကင်းစင်ပြီး မြင်ကွင်းရှင်းလင်းနေလို့မဖြစ်ပါ။
သဘောကစစ်ရေးကမ်ပိန်းကြီးတစ်ခုစီမံတဲ့အခါမှာ ချချင်တာတစ်ခုတည်းနဲ့မရပါ။ အချိန်အရေးကြီးမှန်းသိပေမယ့် အောင်မြင်ဖို့အားလုံးစီမံရတယ်ဆိုတာသိဖို့လိုပါတယ်။
“အချိန်-နေရာ-အဆင်သင့်ဖြစ်မှု” ဤသုံးပါးကိုမမေ့ပါနဲ့။
🎖️တရားသောစစ်အောင်မြင်ပါစေ။

အခုလိုအချိန်ပေးပြီးဖတ်ရှုပေးကြတဲ့ ပရိသတ်ကြီး အားလုံးလည်းသာယာပျော်ရွှင်သော နေ့‌လေးကိုပိုင်ဆိုင်နိုင်ကြပါစေလို့ ဆုတောင်းပေးလိုက်ပါတယ်နော်။

Crd-Richard Myo Thant

လက်နက်မကိုင်တော်မခိုရသူများ d day အတွက် ဘယ်လို ပြင်ဆင်ထားလို့ရလဲ