တရုတ်- မြန်မာနယ်စပ် ရွှေလီမြို့အဝင်အထွက်ပိတ်ဆို့ပြီး ပိုးစစ်ဆေးမှုတွေပြုလုပ်

တရုတ်- မြန်မာနယ်စပ် ရွှေလီမြို့အဝင်အထွက်ပိတ်ဆို့ပြီး ပိုးစစ်ဆေးမှုတွေပြုလုပ်

တရုတ်မြန်မာနယ်စပ်မှာ ကိုဗစ်ပိုးကူးခံရသူတွေတွေ့လာတာကြောင့် နယ်စပ်က ရွှေလီမြို့မှာတာဝန်ရှိသူတွေက လောခ်ဒေါင်း (Lockdown) ချထားလိုက်ပါတယ်။ လူသီးရေ၂ သိန်းကျော်ရှိတဲ့ ရွှေလီမှာ ပိုးစစ်ဆေးမှုအကြီးအကျယ်လုပ်နေပြီး မနေ့တနင်္လာနေ့က ပိုးကူးသူ (၃) ဦ

းတွေ့ရှိခဲ့တာကြောင့် နောက်တကျော့ပိုးကူးမလာအောင် ကန့်သတ်ချက်တွေ ခုလိုထုတ်ပြန်လိုက်တာဖြစ်ပါတယ်။ ဒါဟာ လေးလအတွင်း ဒုတိယအကြိမ်မြောက်ကန့်သတ်ချက်ထုတ်ပြန်တာလည်းဖြစ်ပါတယ်။

မြန်မာနိုင်ငံမှာစစ်တပ်ကအာဏာသိမ်းပြီးနောက်ပိုင်း အခြေအနေမတည်မငြိမ်ဖြစ်နေတာကြောင့်ရှမ်းပြည်နယ်၊မူဆယ်မြို့နဲ့ နယ်ချင်းထိစပ်နေတဲ့ တရုတ်နိုင်ငံရွှေလီမြို့ထဲ လူတွေအလုံးအရင်းနဲ့ဝင်ရောက်လာမှာကိုလည်း စိုးရိမ်မှုတွေရှိနေပါတယ်။

ပိုးတွေ့သူ ၃ ဦးထဲက ၁ ဦးဟာ မြန်မာနိုင်ငံသားဖြစ်ကြောင်း ယူနန်ပြည်နယ်ကျန်းမာရေးဌာနကပြောပါတယ်။ နယ်စပ်မှာပိုးကူးစက်မှုတိုးလာတဲ့အတွက် မတ်လကတည်းက တရုတ်ဖက်ကနေ နယ်စပ်ကုန်သွယ်ရေး ပင်မတံတားကြီး ကိုပိတ်ထားတာဖြစ်ပါတယ်။

တရားမဝင်နယ်စပ်ဖြတ်ကျော်ဝင်မလာနိုင်အောင်၊ လူကုန်ကူးသူတွေကို တားဆီးနိုင်အောင်တရုတ်အာဏာပိုင်တွေက ကင်းလှည့်တပ်ဖွဲ့တွေကိုပါတိုးချထားပါတယ်။ ရွှေလီမြို့ခံအားလုံးကို ၂ ရက်အတွင်း ကိုဗစ်ပိုးစစ်ဆေးမှာဖြစ်သလို မလိုအပ်ပဲ ခရီးသွားတာမျိုးကိုပါ ရက်အကန့်အသတ်မရှိတားမြစ်ထားတယ်လို့ ဒေသအာဏာပိုင်တွေက တနင်္လာနေ့မှာပြောပါတယ်။

မြန်မာနိုင်ငံတွင်းမှာလည်း ကပ်ရောဂါအခြေအနေ တနေ့တခြားပိုဆိုးလာနေပါတယ်။ မြန်မာအားကစားနဲ့ကျန်းမာရေးဝန်ကြီးဌာနရဲ့ဂျူလိုင်လ ၅ရက်ထုတ်ပြန်ချက်အရ ပိုးစစ်ဆေးမှု ၁သောင်းကျော်မှာ ပိုးတွေ့သူ ၃ ထောင်နီးပါးရှိနေပြီးပိုးကူးသူနဲ့ သေဆုံးသူတွေလည်း နေ့စဉ်လို စံချိန်တင်တိုးလာနေတာဖြစ်ပါတယ်။

Crd-Original Post