မြန်မာအရပ်ဘက် ကိုယ်စားလှယ်တွေနဲ့ ကန်၀န်ကြီး Blinken တွေ့ဆုံ

မြန်မာအရပ်ဘက် ကိုယ်စားလှယ်တွေနဲ့ ကန်၀န်ကြီး Blinken တွေ့ဆုံ

မြန်မာနိုင်ငံမှာ ဒီမိုကရေစီလမ်းကြောင်းက သွေဖီပြီး၊ လူ့အခွင့်အရေး ချိုးဖောက်မှုတွေ ကျုးလွန်သူတွေ တာဝန်ခံမှုရှိအောင် ကြိုးပမ်းမယ့်အကြောင်း အမေရိကန်က ပြောဆိုလိုက်ပါတယ်။

မြန်မာနိုင်ငံမှာ ဒီမိုကရေစီ၊ လူ့အခွင့်အရေးနဲ့ တရားဥပဒေ စိုးမိုးရေး မြန်မာပြည်သူတွေနဲ့အတူ လက်တွဲကြိုးပမ်းမယ့် အမေရိကန်ရဲ့ ရပ်တည်ချက်နဲ့ ပတ်သက်လို့ ဝန်ကြီး Antony Blinken မြန်မာအရပ်ဖက် လူမှုအဖွဲ့အစည်းတွေနဲ့ တွေ့ဆုံခဲ့ကြောင်းလည်း နိုင်ငံခြားရေး ဝန်ကြီးဌာန ပြောခွင့်ရ

Ned Price ကြာသပတေးနေ့က ကြေညာချက်ထုတ်ပြန် ပြောဆိုလိုက်တာပါ။


မြန်မာနိုင်ငံကို ဒီမိုကရေစီလမ်းကြောင်းပေါ် ပြန်လည်ရောက်ရှိလာဖို့နဲ့ ဒီမိုကရေစီလမ်းကြောင်းက သွေဖီပြီး လူ့အခွင့်အရေး ချိုးဖောက်မှု ကျုးလွန်သူတွေ တာဝန်ခံမှုရှိအောင် ကြိုးပမ်းနေသူတွေနဲ့လည်း တသားတည်း ရပ်တည်မှာ ဖြစ်ကြောင်းလည်း ပြောပါတယ်။

မြန်မာနိုင်ငံမှာ ဖေဖော်ဝါရီလ ၁ ရက်နေ့ စစ်တပ်က အာဏာသိမ်းတဲ့ လုပ်ရပ်နဲ့ ဆန့်ကျင် လှုပ်ရှားသူတွေကို အင်အားသုံးနှိမ်နင်းမှုတွေအတွက် မြန်မာစစ်ခေါင်းဆောင်တွေ အပါအဝင် လူပုဂ္ဂိုလ်တွေ၊ လုပ်ငန်းတွေကိုလည်း အမေရိကန်က ပိတ်ဆို့ဒဏ်ခတ် အရေးယူမှုတွေ မကြာသေးခင်ကပဲ ချမှတ်ထားပါတယ်။

Credit VOA